إزاي تختار نضارة تليق عليك
القاعدة الأساسية: الفريم يعمل توازن مع شكل الوش. الوش اللي خطوطه ناعمة يليق عليه فريم بزوايا، والوش اللي زواياه واضحة يليق عليه فريم مدور. اختار شكل وشك من تحت.
TickTook 527434
Black Horse MR01
My Kitty TR83003
Black Horse 10140
المقاس قبل الشكل
- عرض الفريم قد عرض وشك، من غير ما يطلع بره الخدود.
- عينك في نص العدسة بالظبط.
- حواجبك باينة فوق الفريم أو على خطه، مش جوه العدسة.
- النضارة ثابتة على مناخيرك من غير ما تعلم أو تنزل.
لون البشرة
البشرة الدافية (قمحي، خمري) يليق عليها الهافانا، العسلي، الدهبي والبرتقالي. البشرة الباردة (فاتحة مايلة للوردي) يليق عليها الأسود، الفضي، الكحلي والرمادي. الأسود والشفاف بيمشوا مع الكل.
مقاس النظر
لو النظر عالي، العدسة بتبقى سميكة من الأطراف. اختار فريم أصغر وإطاره سميك عشان يخبي سمك العدسة، واسأل عن العدسات المضغوطة.
يومك عامل إزاي
شغل قدام شاشة طول اليوم: فريم خفيف وعدسة بحماية من الضوء الأزرق. سواقة كتير: عدسة مضادة للانعكاس. حركة ورياضة: فريم مرن وثابت على الوش.
الأرقام اللي على دراع نضارتك
لو عندك نضارة مريحة، بص على الدراع من جوه هتلاقي 3 أرقام بالمللي. دي مقاسك، وابعتهالنا نجيبلك نفس المقاس.
الفريم للشكل، والعدسة للنظر
العدسة هي اللي بتشوف بيها. دي أهم الأنواع اللي تسأل عنها وإنت بتعمل نضارتك.
مضادة للانعكاس
بتقلل لمعة النور على العدسة. مهمة للسواقة بالليل والتصوير.
حماية الضوء الأزرق
للي بيقعد ساعات طويلة قدام الموبايل والكمبيوتر.
فوتوكروميك
بتغمق في الشمس وتفتح جوه. نضارة نظر وشمس في واحدة.
مضغوطة
أرفع وأخف للمقاسات العالية، وشكلها أحسن في الفريم.